Mendian euskaraz: Barnetegi ibiltaria (oinez)

 

AEKren ibiltarietan izena ematen duten lagunek mintzapraktika egin bitartean, Euskal Herriko lekurik ederrenak ezagutzeko eta, nola ez, kirola egiteko parada izango dute. Izan ere, herriz herri euskaraz ibiliko dira, eta tokian tokiko euskalkiak eta ohiturak ezagutuko dituzte.

IBILTARIA (OINEZ):

Izena emateko azken eguna: Ekainaren 24; on-line egin behar da

Helburuak: aste batez edo bi astez euskaraz bizitzea, Euskal Herria hobeto ezagutzea (herriak, leku bitxiak, ohiturak, hiztunak, euskalkiak...), mendian ibiltzea gustuko dugunok opor ederrak pasatzea.

Txandak:

  • Uztailaren 15etik 28ra (osoa, bi aste) edo uztailaren 15etik 21era eta uztailaren 22tik 28ra (aste bat).

  • Abuztuaren 2tik 16ra (osoa, bi aste) edo abuztuaren 2tik 9ra eta abuztuaren 9tik 16ra (aste bat).

595 euro (osoa, bi aste) edo 305 euro (aste bat). Laguntza (furgoneta, guztion trasteak eramateko), lo egiteko lekuak, jatorduak eta ibilbideari buruzko liburuxkak eta mapak barne.

Informazio gehiagorako:

  • Gertueneko AEK euskaltegian.

  • 630 148 159 - 946 464 000.

  • ibiltaria@aek.eus / udabarnetegiak@aek.eus.

Antolaketa:

  • Egun bakoitzean, batez beste, 20-25 bat kilometro egingo ditugu oinez, gehienak goizean, eta bidean behar beste geldiune egingo ditugu interesgarri deritzegun lekuak ikusi ahal izateko. Ibilbideak lasai asko egingo ditugu, partaideon erritmoari jarraituko diogu, eta, behar izatekotan, furgoneta izango dugu etaparen bat laburtu ahal izateko. Gainera etapa askotan bide errazagoak eta laburragoak egiteko aukera eskainiko da.

  • Erosoago ibiltzeko pisu guztia furgonetan eramango dugu (motxilak, dendak, mahaiak eta aulkiak…). Irakasle-antolatzaile bi bidean gidari izango dugu eta besteak furgoneta eramango du.

  • Etapa bakoitzaren ibilbidea eta ikusiko diren lekuei buruzko informazioa dakarren liburuxka bana izango dugu.

  • Eskolarik ez da egongo, baina, hizkuntzarekin lortutako hainbat ekintza egin ahal izango dira: tokian tokiko hiztunekin harremanetan jarri, jarduera kulturalen baten parte hartu: diaporama bat ikusi, erakustaldiak, masaje ikastaroa, bisita gidatuak, euskararen erabilera sustatzeko sentsibilizazio/motibazio tailerra… eta, jakina, irakasleak laguntzeko eta zalantzak argitzeko egongo dira.

Etapak:

  • Uztailak 15 - Astelehena: Oion-Guardia.

  • Uztailak 16 - Asteartea: Guardia-Kantabria mendilerroa-Lagran.

  • Uztailak 17 - Asteazkena: Lagran-Nafarrete-Maeztu.

  • Uztailak 18 - Osteguna: Maeztu-Opakua.

  • Uztailak 19 - Ostirala: Opakua-Urbasa.

  • Uztailak 20 - Larunbata: Urbasa-Arbizu.

  • Uztailak 21 - Igandea: Arbizu-Aralar-Lizarrusti.

  • Uztailak 22 - Astelehena: Lizarrusti-Lizarrate.

  • Uztailak 23 - Asteartea: Lizarrate-Arantzazu.

  • Uztailak 24 - Asteazkena: Arantzazu-Leintz-Gatzaga.

  • Uztailak 25 - Osteguna: Leintz-Gatzaga-Otxandio.

  • Uztailak 26 - Ostirala: Otxandio-Durango.

  • Uztailak 27 - Larunbata: Durango-Aulesti.

  • Uztailak 28 - Igandea: Aulesti-Lekeitio.

  • Uztailak 29 - Astelehena: Etxera buelta.

 

  • Abuztuak 2 - Ostirala: Hondarribia-Jaizkibel-Hondarribia.

  • Abuztuak 3 - Larunbata: Hondarribia-Oleta.

  • Abuztuak 4 - Igandea: Oleta- Ainhoa.

  • Abuztuak 5 - Astelehena: Ainhoa-Bidarrai.

  • Abuztuak 6 - Asteartea: Bidarrai-Baigorri.

  • Abuztuak 7 - Asteazkena: Baigorri (atseden eguna egiteko aukera).

  • Abuztuak 8 - Osteguna: Baigorri-Donibane Garazi.

  • Abuztuak 9 - Ostirala: Donibane Garazi-Esterenzubi.

  • Abuztuak 10 - Larunbata: Esterenzubi-Bagargiak.

  • Abuztuak 11 - Igandea: Bagargiak-Lojibarre.

  • Abuztuak 12 - Astelehena: Lojibarre-Santa Grazi.

  • Abuztuak 13 - Asteartea: Santa Grazi-Belagoa.

  • Abuztuak 14 - Asteazkena: Belagoa-Lintza.

  • Abuztuak 15 - Osteguna: Lintza-Izaba.

  • Abuztuak 16 - Ostirala: Etxera buelta.

Please reload